بامر الولي ياخذ شباب وشيبان مرحوم ياللي بالقبر دافنينه حر ولد حر مربيه سلمان فهد أمير وكلنا فاقدينه رمز الصخى والجود ابن ذرب الايمان يالله عسى قبره رياض حسينه وأشجارها فيها الثمر بين الأغصان والحور حوله من يسار ويمينه ويجعل له الجنة مقر ومسكان للخير فعله دايم ملاحظينه يحرص على المرضى ورمل ويتمان كم واحدٍ يقضي لزومه ودينه لامن دخل بيته طلع منه فرحان ومرضى الكلى فعله لهم عارفينه من لامهم عقبه بلاشك غلطان وسلمان من بعده عسى الله يعينه ويجبر عزاه بقوة الصبر وإيمان وقت الشدائد كلنا مجربينه مثل الجبل يثبت ولو جاه بركان أميرنا الله يحرسه بالسكينه ويحميه رب البيت من كل شيطان موقف صعيب وكلنا عاذرينه ليته يهيض خاطره دون كتمان الناس جوله بالقصر قاصدينه كل على مواساه حرص وشفقان كل عنا له والمشاعر حزينه من صدمته كل مريض ووجعان يلقى العوض بعيال معاضدينه نسل الملوك اللي لهم بالفعل شان منا وفينا والعلاقه متينه وقت الشدايد حبهم بيننا بان حنا بلدنا في أيادي أمينه والخير واجد شامل كل الأوطان في عهد أبو فيصل بلدنا حصينة بوجود عبدالله عضيده وسلطان حكم الشريعة بالوفا مطبقينه من فضل ربي ها البلد أمن وآمان حتى الهجر بالبر صارت مدينه فيها المرافق كاملة دون نقصان تمت بذكر اللي خلقنا لدينه رب كريم بالمخاليق رحمان حمد بن عبدالرحمن بن علي المغامس مركز الخطامة بسدير
