غصين البان

تغريف ياغصين البان وردة وسط روض زهور
بعد طبيتي الروض الخضر حياك بغصانه
وحيتك الخزامى والنفل رحب بريح عطور
وحتى السنبلة قامت تمايل حيل طربانه
وحياك الحرفرف لختلط ريحه مع الكافور
وعجعج في سماك اللي يزف المسك ريحانه
وحياك القماري والكناري جاوب العصفور
وغرد عندليب الروض يعزفلك من الحانه
تدلل لعنبو عين تشوفك ما بهرها النور
أشوف الشمس من نورك تغيب هناك خجلانه
إلى هبت هبايبها تطاير شعرك المنثور
تراقص مع فراش الروض كنه رقص جنحانه
غريبه نظرة عيونك أناظرها تصحي شعور
شعور لحتوى صدري يفز القلب بشجانه
أبد ما هز وجداني ولا ذوبني يا المغرور
سوى شخصك ولا غيرك عليه الروح ولهانه