فوق الوصف

قلت فوق الوصف.. وصفه لكن أوّل
قالوا: انه صدق وأحساس ومبادي
قلت: ذا معناه من قبل ايتحوّل
من دعا كنعان من ظهر الجوادي
انشدوني عن جواده ليه حوّل
المحبه كيد.. وأكثرها.. نكادي
من تخلي صاحب الجاه ايتسوّل
من وردها احتاج من صبر المهادي
ومن سجايا قيس وأقدام السموّل
جيت كأن الروح بيدين المنادي
مستهيم له سراب اللال زوّل
من وفاي ومن ظماي ومن عنادي
لاتعجب كيف جيت ولا تهوّل
خذني اكثر بالتجاهل والتمادي
في دلالك خذ خفوقي به تجوّل
مساعد عقيل
الرياض