نفسي عزيزة

يا كيف ترضى بالهجر والشتاتي
ان صار لك ما يزعلك واجب ارضيك
ولعب على الحبلين الروح وانته مناتي
دايم على بالي خيالك وطاريك
وعيني من الفرقا تهل عبراتي
ارحم خفوق دوم متولع فيك
مولعك جفنه يعاف المباتي
مابه من الغزلان زينه يباهيك
في وقتنا الحاضر وفي وقت فاتي
انت الذي ما به جميل يجاريك
ماشفت زينك في جميع البناتي
يا بو عيون تذبح اللي يراعيك
عكش هدبهن سود ومسلهماتي
لاشفت لك محبوب بالحيل يغليك
حذراك تقصى صاحبك يا غناتي
حقيقة الموضوع لاذي ولا ذيك
ما به خطا مني وعيني مراتي
ليتك تصافي بالهوى ما يصافيك
حتى تزين ايامنا المقبلاتي
صبرت لاجلك يا ادعج العين وارجيك
ما قد صبر واحد وسوا سواتي
نويت هجرك يوم بانت مواريك
نفسي عزيزة سيرتي في حياتي
مبارك بن سعد السبيعي