دمعه!

أنا لى منّ دمعي طاح من عيني على مخلوق
فلا بد إن هالمخلوق معه يطيح من عيني
ولو الدمع لى طاح لتحت يرجع ويرقا لفوق
فلا يرجع معه يرقا لعيني من يبكّيني
ألا حسبي عليك الله ربي يا عظيم الشوق
وراك تجيبني لى حد بعض الناس حاديني
وبعض الناس لى من جيت لى حدّه يا مال العوق
يظن إن المسيكين اللي جاء وهو المسيكيني
وألا حسبي عليك الله ربي يا عديم الذوق
يوم اجيك اطلبك دمعه ثم اتعيي لا تعطيني
وتضحك لين تبكي ضحك ثم تقول يا مخلوق
خذ من الدمع ما يكْفيك وانا الضحك يكْفيني!!