سلطان أبو فيصل فجعنا رحيله

هذه الأبيات في رثاء سلطان بن راكان المرشد رحمه الله
البارحة قلبي تقل نار تصلاه
القلب كنه فوق حامي المليله
العين عيت لذة النوم تبغاه
الدمع يذرف ما يبطل هميله
على عزيز غاب عنا فقدناه
سلطان أبوفيصل فجعنا رحيله
رحل فقيد الدار منا خسرناه
خسارة على جميع القبيلة
اللي الياجينا بلزومٍ لقيناه
عز الصديق وعز منهو يجيله
راعي المواقف فرحة اللي تنصاه
مرحوم يا راعي الفعول الجزيلة
مرحوم ياللي تفعل الطيب يمناه
حاش العلوم الغانمة والنفيله
يفزع ويرخص غالي المال والجاه
الحمل لو هو كايدٍ يرتكي له
لو ينشرى بالمال حنا شريناه
لكن أمر الله ما باليدين حيله
أمر من الخلاق والأمر لله
العبد لابد قسمته ما تجيله
ما فيه حيٍ غير والموت يقفاه
الموت سنة كل حيٍ يشيله
نطلب عساه بجنة الخلد ماواه
في جاه اللي كل الملا ترتجيله