ماعاد «أبي شي» !

حزين.. حزنٍ ماحزنته بدنياي
من اول ايامي إلى ليلتي ذيّ
ومما بصدري ما ارتجي يومي الجاي
احس ماراح يتبّين وأنا حيّ
كتمت لين الهم فجّر حناياي
مابحت لين انه بدا في ما في
ماغير أنيني فالخفيّات وبكاي
ومعايشة ظلماً قصر عنّها الضي
بدّيت حسن الظن من حسن مبداي
والظن خاب وحالة الوقت هي هي
مابه رفيق أعتّد به عند يمناي
ولالى من الفزعه سوى فزعة أيدي
زرعت.. طيب ولاترجيت مجناي
شح المطر.. والعرق مابله الريّ
ووادي هيامي ما استوى لي على مناي
استغفر الله.. مافرق وادي الغي
يومن وقتي ماورد حسب مشهاي
قنعت من حظي ولاعاد أبي شي
حفظت بيت .. أشوف به وجهة الراي
أقرأه في لفح السمايم على الفي
اعرف كبر بلواي لاستانس عداي
وادرك كبر قدري ليا ضاقو شوي
* شاعر سعودي