عذاب الوقت

ترجيك عيني والحنايا ضمايا
دخيل وجهك من بعادك دخيلك
هذي جروحي نار جمر وشضايا
هذي المشاعر حايره تشتكي لك
قلي ترا صدك يسوي سوايا
كمل جميلك يا مقدم جميلك
ياويش عذرك والحقايق خفايا
قدم لي اعذارك وربي وكيلك
كافي عذاب الوقت زوّد عنايا
الطف بقلبٍ من حنانه يشيلك
قلبٍ حنون وفيه كل المزايا
صادق بحبه مايوالف بديلك
ماكنت تقسى يا حميد السجايا
وش غيرك يالي مضيع حصيلك
اتقول مامثلك ولا لك حلايا
وتقول محدن من خفوقي يزيلك
واليوم ماهمك فراق ولقايا
ولا لك عذر فالحب ضايع دليلك
بودعك وانا على الله رجايا
ماني خليلك روح دور خليلك
الله هو الوهاب جزل العطايا
والاّ انت يا المخلوق واعزتي لك
* شاعرة سعودية