روح الشعر

روحي وروح الشعر من بعد توديع
ردت لها روح الحياة ودعتها
الغلا غلا ما فيه لا أشري ولا أبيع
وديعته بين الضلوع ورعتها
نفسي وأنا له خاطري صعب ومطيع
والحالتين لما تكن أدفعتها
تكتب وفا ولا الغلا لو ما ذيع
صدق العهود قلوبنا وقعتها
محبةٍ ما هي محبة منافيع
الشامخات من الوقار أرفعتها
ومشاعري رغم اختلاف المواضيع
له كل أحاسيس الشعر شرعتها
له بالغلا نبض وحضور ومشاريع
تذهل خبيرين المساحة سعتها
يختال فيها واسع الفكر ويضيع
معها خياله في جهات أربعتها
مناظرٍ فيها للأشواق تنويع
كل الورود المثمرة جامعتها
هذا وروح الشعر من بعد توديع
عادت لها روح الحياة ودعتها