أماكن قديمة

بعض الكلام يحق له يجرح الصمت
والبعض الآخر ما يبرر ظهوري
أغيب لكن لا حضرت وتكلمت
داريت شرهة غيبتي في حضوري
أنا الذي عن منّة أنوارهم شمت
حي الظلام أن كان شحوا ب.. نوري
إما أنت ياللي في غيابك تعلمت
أهل ضعفي من سحابة غروري
إن قلت أحبك أشعر إني تقدمت
على الزمان اللي حرمني سروري
يابو جروحي كلها لو تكرمت
تشرح لهم «حلمي» و «حملي» و «دوري»
ولا أنت يكفيني معك كل ما همت
لا قلت: حورك.. قلت: قلبي وحوري!
ولا ليا ضاقت علي وتجهمت
ضحكتك تعطيني منافذ عبوري
المشكلة دام الشقا وأنت مادمت
إلين كَثْرت في عيوني , قبوري!!
مريت أماكنّا القديمة وسلمت
مريت لكن مادرت عن مروري
والله ياني في غيابك تعلمت
حتى حضورك مرتبط به حضوري