خلنا نرتاح

إيه ضايق من بعدك ورجعتك
خلت الأحوال على ما يرام
ما سألتك ليه طالت غيبتك
الوصال ينسي وشلون الملام
صوتك البارح حبيبي وضحكتك
انتصاري من بعد عام انهزام
كمل المعروف فيني بشوفتك
أجرها فيني مثل أجر السلام
مرني وأعطف علي بطلتك
في خفوقي ياحبيبي لك كلام
وابتسم لي أنت عارف بسمتك
تعفي خفاقي عن الأحزان عام
ضمني أنا بحاجة ضمتك
ودي إني وأنا في حضنك أنام
ياحبيبي بارك الله بعودتك
خلنا نرتاح ونعيش بسلام
المحبه زلها في دلتك
وقهوني من يدك فنجال الغرام
نايف الهاملي - شاعر سعودي