ياليل سولف

مابه الا انت ياليل
الصدر ضايق والهموم امتلت به
جامل حزينن سامرته الغرابيل
الهم والذكرى سرت والعبت به
ماغير اهوجس واتحرى المراسيل
من خلن ظروف الليالي غدت به
انا دخيل الله وزابنك ياليل
ابنشدك والضيف ماينشمت به
وش حيلتي لامات عمر المواصيل
والعين حتى نومها ماهتنت به
وهزتني الذكرى ولا عاد بي حيل
وساقت خفوقي صوبها وانتحت به
يالليل خاف الله ولاتزيد وتطيل
عيني عن اللي في خفوقي حكت به
اشتقت لك يابو العيون المكاحيل
وذكراك حلت بالخفوق وسرت به
ياللي على شانك شربت الفناجيل
طنخت وفاء ذكرى الغلا فاخرت به
في غيبتك ذقت النكد والبهاذيل
وزادت مشاريه الموالي وعتبه
شفني بعدك اسامر الليل والويل
والحال نحلت والعذاب اغرقت به