جتني تقول

لك المقادير جت بي
وأنا أتحسّف لك على كل ماراح
قلت الخطا منك ولا طالعت بي
وتندّمت من خاطرٍ كله جراح
تقول ياليت الليالي برت بي
ولاجيت أطلب منك السموحة والإصفاح
وأقفت تبّش دموعها وأنظرت بي
نظرة زعل ماخلّت البال مرتاح
راحت وروحي يمّها روّحت بي
والهمّ في جسمي تزايد ولا إنزاح
بغيتها , بس الظروف انتحت بي
وحفظت سرّي في ضميري ولاباح
خلّيتها يوم انتفت واغدرت بي
نست ليالي الحب والذي راح
انا اعتنيت بها وهي ما اعتنت بي
خلّتني أرعى نجمة الصبح ياصاح
كم مرةٍ رجل العنا قد سرت بي
وكم مرةٍ شفت الخساير والأرباح
والله أعلم هي بعد وش نوت بي
عقب الفراق اللي تصوّر لي أشباح
عقب الفراق اللي جرى ولّعت بي
نار لها نبراس فالقلب قدّاح
العشق روحي في همومه رمت بي
في غبّة يغرق لها كل سبّاح
أخذت ساعة في بحوره وغدت بي
مثل السحاب إليا غدت فيه الأرياح
* شاعر كويتي