لا ترتجي

من هالبشر تغليك
وعن الشعور الصادق لا تسأل
اللي يحبك حب شي له فيك
يعني أنت لا تفرح ولا تزعل
والناس للإيجار والتمليك
وشوف أنت وش تملك وش تعمل
في عصر زيت الغاز والتفكيك
الناقصين التافهين اكمل
المبدعين الحالمين الشيك
ورودهم بحباطهم تذبل
لا ترتجي حقك ولا يرجيك
الصعب لا من مت صار أسهل
يا سيد الاحباط والتشكيك
موت أنت بس وشوف وش يحصل
كل اللي سبك قبل يمدح فيك
ويقول كان المبدع الافضل
سعد علوش - شاعر كويتي