لو سمحت

لا تقول اللي جرا غصب عليّ
ما أعتقد شيّ بلا رغبه يصير
ولو سمحت وقلت لك ما صار شي
وين قلبك من تعاذيب الضمير
لا تقول الحل خارج عن يدّي
انتهينا وانتهى الحب الكبير
مات حبك من بعد ما كان حيّ
واصل المشوار قلبي مستخير
الشعاع اللي تحسبه نور ضي
ما لقيته غير وهم بك يسير
والسراب اللي تحسبه نبع مي
في عيونك تحسبه مجرى غدير
الهناء مات وتحطم كل شي
والفرح دايم يجي عمره قصير
صفة الذكرى طواها الوقت طي
والندم ما يرفي الجرح الغزير