صبح الوداع

ما زادني صبح الوداع إلا شتاته
في عينه الدمعات تخنقني وبكيت
لا ?لني صمته ولا هيبة ثباته
اقفى على ريق السهر.. يومي قفيت
خلوه يصحى.. قدّ ما مات فسباته
وإن هو غفى بكيفه ترى عنه عفيت
خلوه يتركني قبل ما أكره صفاته
ياما بكت فيني الليالي ولا شكيت
مثل النخيل اللي تحرمه من نباته
مهما قسى يعطي و يحزن ان سليت
عودت حلمي لا انتهى ادفع زكاته
يا ليت القى لي حلم كل ما صحيت
أشبع وماجاني العمر إلا بفتاته
انسى وأثاري الناس تذكر ما نسيت
يا رب لا تطوي ?كرياتي من حياته
حتى وأنا ما أبغاه لي عمرٍ وفيت
باكر بتفضحني القصايد في وفاته
لاصحت قدام الوصايا وانحنيت
لاني بنت عمه ولاني من خواته
صعبٍ اسكت على كثر اللي حكيت
قولوا لأمي لاحرمتني من فراته
لإني شربت النيل لكني ظميت
هو كان يعشقني كثر عشقه لبناته
حتى ولو ما قال فيني ربع بيت
والله تعبت أخفي عن أخواني غلاته
ياليت مت وما نفع لجلي فديت
خلوني أسكت لين تسمعني جهاته
بعض الصدى يهدم وأنا ما قد بنيت
* شاعرة عمانية