خيول أحلامي

يالحبر اكتب شعوري في فضاء حضوره
للغلا ثورة مشاعر تستبيح أحلامي
كم تهادى الشعر يرسم للمعاني صوره
كن عرق القلب لوحه والدما مرسامي
من شرود الذهن لين الخوف لين الثوره
بين هذاك الجمود وبين نار إعدامي
ذا عديل الروح ما يرضي النسيم غروره
حدني أكشف لكل الناس جرحي الدامي
شوفني بين الدفاتر صرت له عصفوره
أتغنى فيه لحنٍ للمحبة سامي
يا شذى النسرين لم عقودك المنثوره
خلني أهديك باقة مع جنون هيامي
للحبيب اللي يزوّد بالليالي جوره
عل يسمع أغنياتي وينتشي لأنغامي
ثم يسقيني بكفه من غرامه فوره
ما يغطيها الجمود الخامد الإلزامي
وما علي من الخواطر لا غدت مكسوره
المهم إني بجنبه عشت أحلى أيامي
احتفي به يالقصايد واطربي لحضوره
هذا خلي اللي عشقته في خيول أحلامي