صمت المشاعر

تفضل يابعد عمر القصيد وثمرة أشعاري
تفضل دامني كلي أضيع بنظرة عيونك
تعبت اشتاقلك كلي وليتك بس بي داري
تعال اقلط تقهو الشوق وقعد حب مجنونك
تعال وعانق احساس الغرام وزحمة أفكاري
أبيك بكل لهفة وشوق تأخذني إلى كونك
واذا جيت تعذر بكثر لك أعذاري
أبي مره تجيني بحب ومره بشوقي أخونك
وناظر رعشة أشفاهك وذوب وتشتعل ناري
وضمك ونتشلك بشوق الين تمطر مزونك
وبيك بكل إحساسك تركد ثورة إصراري
وغنيلك بعد عمري على هونك على هونك
أشوفك فالمدى نورٍ ليا من جيت لك ساري!
ليامن لاح براّق المواصل قلت يا عونك
تعال وعيش في نبضي أبي تسأل عن أخباري
أبيك انت الوحيد اللي تخوني وارجع أصونك
وخونك وأنت لي صاين واجيك وأسكنك داري
أبي طعنات حبي فيك وأبي أداوي طعونك
عرفت المسألة وشهي أبي أكسرك وأداري
أبيك تخون إحساسي وأبي أداري شجونك
أبي كل البشر تدري بأنه حبك إجباري
وأبي صمت المشاعر بي تغنيلي على لحونك
ذبل غصن الحكي ولكن تفضل ثمرة أشعاري
تفضل دامني كلي أضيع بنظرة عيونك