صباح العصافير

يسعد صباحك يا صباح العصافير
واللي طرا بالبال يسعد صباحه
اللي غرامه غير ومصابحه غير
ومشاهده فرحة وطاريه راحة
أسوق من شانه سمان المعاذير
وأحكي معه في كل شي بصراحة
أقطع علشانه بعاد المشاوير
وأهيم وأتجاوز حدود الإباحة
وأشيل وأتحمل صدوف المقادير
وآخذ همومه فوق همي رجاحة
لعيون حبه ما حسبت المخاسير
لو الزمن هبت عواصف رياحه
الشوق يدعيني لطاريه وأطير
يمه وطير الشوق يكفح جناحه
حب وغلا وهيام عاشق وتقدير
اكتب ولا تترك للأحرف مساحة
أبرك ضيوف الشوق وأغلى المسايير
اللي زرع جوفي في الحب واحة
صخرت لرضاه البيوت الأباكير
أخاطبه بلسان كله فصاحة
وأقول له وين أنت صبّحك بالخير
ياللي وسام الحب تلبس وشاحه