في ذمة المولى

الإهداء إلى الأشياء...
تعال أخذ السلام اللي رميته بوجه عذالي
وروح ازعل.. على كيفك.. ولا أهلاً ولا سهلاً
تنبه تِرْخص بحالك.. وخلّك بالشكل غالي
مدامك تدري إني مِرْخصَتْك وما أبيك.. اغلى
وسلامك في كلامك لا يوصّل نبرة العالي
على الواطي.. وهَدّ شوي.. ترى ما انت بمكان أعلى
قبل لما.. بغيت أغيضهم.. جيت انت في بالي
وخَلَصْت من الغرض.. والآن عندي غيرك الأولى
محد سائل عليك من اللي يهتمون في حالي
لأنك يابعد عيني على الهامش.. ولا تملى
ولأني في زعلك ألقى المقابل.. عمر يصفى لي
أحسّه جد هالمرة على قلبي.. ولا أحلى
دخيل الزعلة إزعل.. قد ما تزعل.. بتسوى لي
وأكون الشاكرة جداً.. عسى هالغمه ذي تجلى
ولا تنسى سلامك.. لا تخلي شي يبقى لي
أبري ذمتي.. وأوْدعْك أبد.. في ذمة المولى