وعيونك تفضفض قبل ما تحكين وحرّ الشوق بعيونك ولا يطريك تحكينه وأنا اتحرى تبوحي به قبل لا تفضحه عينين إذا ما كان لعيوني تبوحي من هو ل"عينه"؟! تعالي واتركي عنك الوساوس.. واقبلي أهليين هلا بك عد ما جن الهوا بأعقل محبينه هلا باللي ب"تروينه"ما دامه سر بين اثنين ودامه سر بين اثنين وش يمنعك تروينه؟! إذا كان الخجل يردعك عن ذكر العتب واللين وش اللي باقي عني على بالك تخبينه؟! وإذا ما تنطقين اللي تجاهي تشعرين الحين متى قصدك تقولينه.. إذا ما كان في حينه؟! ولو حطيتي ف"بالك"بأن كل شي بوقته زين فما أظن الندم في يوم يطعنك بسكاكينه ترددتي تقولي لي.. ويا"شين"التردد شين يهز أقوى ثقه بالحب... ويخل ب"موازينه" أنا ما همني تدرين... لو ما همك ان تدرين إذا ما تعرفي قدرك بقلبي صعب تنفينه ولكن التردد فيك... ما ادري كيف جا من وين وانا خبري بك ان به شي في نفسك تبدّينه ولا اْخبر بيني وبينك حرج من كل ما تبدين تقولي ما على بالك وتحكي زينه وشينه أنا لي بس رجا واحد إذا لي خاطر تكفين مجرد تشعري بإحساس صوبي لا توزينه ترا هو دين لي عندك... إذا ودك تردي الدين ومن ينوي يرد الدين... إلا ربي يعينه عطيني لو تبين اعتاب دامك قادرة تعطين وتدرين العتب مرفوع عن جملة محبينه وإذا به شي في نفسك نويتي عني تخبين ترى ماني أبد مسؤول عن ما راح تجنينه أنا ما عاد راح اطلبك شيٍ شايفه بالعين إذا ما راح تحكينه فأنا ما أطلبك تحكينه
