حبيبي أخليك !

لما تقولي لي حبيبي أخليك
وتستأذني مني لقطع اتصالك
ما تقفلين إلاّ وقلبي يناديك
تكفين خليني بْفكرك وبالك
أحس بك? وأتخيلك دوم ووْحيك
وأشعر بنبضات الخفوق بشمالك
وأذوب بعذوبة ورقِة معانيك
وأقول سمّي جيت كلي حلالك
قولي أحبك واحيي عْروق مغليك
اللي فؤاده بالمحبة صفا لك
أكذب عليك ان قلت لك ميّتٍ فيك
أصلي من أول في محبتك هالك
شاعر وهايم يا حياتي بواديك
أعشقك وأتفيأ الغلا في ظلالك
واشتاق لك حتى وأنا بين أياديك
واشعر بنشوة عارمة في وصالك
لا لا تخليني عسى الله يخليك
تحلا لي الدنيا فقط من خلالك
ما تشبهك هذي ولا تشبهك ذيك
وحدك سكنتي في خفوقي لحالك
أبيع كل الناس يا ...?واشريك
واستمتع بشوفك وفتنة جمالك