مالك أمر

خاطب الأمير الشاعر خالد بن سعود الكبير المهايطين فيما لايعنيهم من خلال قصيدته ( مالك أمر ) التي خص بها قراء صفحة ( ملامح صبح ) ومع شكرنا لسموه واعتزازنا بتواصله معنا..ندعوكم لتشاركونا الاستمتاع بقصيدته حيث يقول:
لا صار مالك امر يمشي على الناس=مالك ومال مبالش الناس مالك
ارتح وريح واترك ابليس ينحاس=لا تبلش العالم وخلك في حالك
ابليس لي من طق في اذنك بوسواس=استغفر الله واستعذ به وبالك
بالك تطيعه وادحره عنك.. خناس=يا سرع ما خلاك تهلك لحالك
غدار والغدار خاين وبلاس=يأمرك ثم يروغ من ما جرى لك
كم واحد ما صاد يا غير الافلاس=خذاه ابو مره لدرب المهالك
واللي يتحزم به تغشته الاتعاس=هالك ويمشي له على درب هالك