يقول الأمين العام لاتحاد كرة السلة المسعد ان المنتخب اللي انهزم 98-10 من الصين حقق ما هو مخطط له في البطولة، ووصل إلى دور الثمانية! أجل الفضيحة مع الصين واللي اعترفتوا فيها كانت ضمن خططكم الاستراتيجية ؟! وش ها المنتخب اللي فشّلنا، وبعدين لا تنسى انكم ما حققتوا ولا انجاز في أي بطولة رسمية. بالله هذا كلام مسؤول بعد اللي صار؟ يا أخي اذا هذا شغلكم ورا ما تحقق انجاز وتعطي فرصة لغيرك وتتفضى"لعيالك"وأشغالك الخاصة أبرك؟ عاد تصدق تصريحك طبلها، وبدا يخوفني، ويكرهني في كلمة انجاز اذا هذي تبعاتها وياليتك ما دافعت بس. عودنا؟ افتكينا من الزملاء منيف والجبرتي ومين أحسن ماجد ولا سامي وطحنا للأسف في قناة فضائية محترمة، نزلتنا لأجواء التعصب من جديد، وودي أسأل وش الفائدة من الموضوع؟ انتم أكبر من النزول لها الأمور، ولا تنجرفون ورا بعض الحبايب، وبعدين السالفة وما فيها ان شخصية وقالت رأي وهذا من حقها ليش الزعل... وبعدين لا يمكن اننا نثبت هاالموضوع أبداً... ومانبغى ها القناة تصير زي غيرها باتباع"الجمهور عاوز كدا"على حساب الأهداف النبيلة... ولا .... لا. ابن البلد [email protected]