يكفي

لا بغيت تشوف حتفي
أسكب بعيني حضورك
ثم قفي
وان جثيت قبال صدك
لا ترد تهز كتفي
والله يكفي
تغرس ايدينك بصدري
تنزعك من وسط قلبي
كان ودك بك تسافر
تكفى لا تنساك جنبي
أنا في لحظة جنوني
كسّرت وجهي المرايا
خذ طيوفك عن عيوني
خلني وحدي معايا
خلني ما بين بيني
احترق وحدي بأنيني
وش يهمك من دموعي
دامها هالعين عيني
سافر لأبعد مدى
خذ معاك أحلام حبك
انسني وحدي هنا
وأنا بنزع من جروحي
وجه بوحي
وارسمه جملة قصايد
ومسحها جملة قصايد
وارجع أتأمل جموحي
واتزاني
وباس روحي
وإن عادي.... عندي بعدك
لو... هو... بالأحلام كايد
واني أقدر لو بغيت
انتزع من روحي روحي
وان عادي لو... نويت
أنثر الملح بجروحي
بس يكفي
كافي اتكسَّر لعينك
وأنت أعمى
ليه أشعل لك فؤادي
وكل نور في عبوري
تلمحه مليون ظلما
ليه أمطر من حناني
وأنت تهديني جفاف
وين ألقى بك أماني
وأنا من ظلك أخاف
يا اللي في أكوام ظلمك
ضاع عدلك
لا تصدق لو بكيتك
أنا... أشعلت بدفاتر ذكرياتك
واختنقت بكل ذكرى
حتى أنساك ونسيتك
ما سمعتك
من رحلت بذكرياتي
كلمة حلوة
وما أتذكر غير طعنة
بالظهر... بالحيل... مرّة
تعشب الآهات منها
وتنحفر فيها مقابر
ومن وجعها
يموت... منها... ألف شاعر
وتندفن فيها مشاعر
بس... يكفي