خاطر عيونك

مشتاق لك ياصاحبي هايم ٍفيك
ولخاطر عيونك عشقت الكتابه
ياروح روحي وين غابت لياليك
الصدر في بعدك تجيه الكآبه
يامهجتي مافيه شخص ٍيساويك
أنت الغرام اللي تزايد عذابه
خلك بقربي يابعد قلب مغليك
اللي يحبك لا تجدد صوابه
فتحت لعيون الغرام الشبابيك
وصدري قفل في وجه الأنذال بابه
مليت من وقت العنا والشرابيك
ومن عالم ٍيزهو بقانون غابه
يامرحبا حييت شبيك لبيك
جميع أوامر حضرتك مستجابه
قلبي وبين أيديك تسلم لي أيديك
أمنتك الله لا تعذب جنابه
القلب لك مادام هو مغرم ٍفيك
والعمر لك ياشمعدان الصبابه
لو باعوا العشاق مبداهم أشريك
انزف ولا انزف كود قدر و مهابه