انكسار الحب

الحزن بيّن في محاجر عيونك
تكفين كفي نظرة الحزن تكفين
قصّرة في حقك ولكن ياعونك
خفي بنظراتك على مهجتي لين
عن لوعة ايامك وحرقة غبونك
ازرع لك ضلوعي رياض وبساتين
دعي .. وطن حزنك وسوقي ضعونك
لين انك بريضان صدري تحلين
القلب قصرك والمشاعر حصونك
ابغاك في مقصورته تستريحين
حتى.. لو تحسين قلبي يخونك
القلب بين ايديك وانتي تمونين
تلّيه.. لين يبل دمه ردونك
واروي غرورك منه طعنه وثنتين
قلب ٍ طعونه رهن ضحكة سنونك
زيديه بطعون الغلا لين ترضين
أنا شؤوني فالمحبة شؤونك
ومسافرين مع الزمان وغريبين
لاعايشة دوني ولا أعيش دونك
ربي خلق روح ٍ قسمها على اثنين