هاجس جديد

دعا الهاجس اللي رد لي من جديد وعاد
مشاعر خفوقٍ جت من البعد ترقب له
دعاها وجت له يوم جار الزمان وزاد
عليها من همومه وهي في عناً قبله
قديم.. وجديد للزمن.. والحياة أبعاد
تجي عكس بعض أحيان شيٍ ترتب له
وتصبرت لين أن المشاعر بقت ما عاد
تحمّل أمورٍ خوفي الجرح تقرب له
هذا والقناعة كنز عن واقع استشهاد
الإنسان ماله غير ما الله يكتب له
عزيز الجلال اللي له المسلمين عباد
عسانا من اللي نية الخير تحسب له
وعلى الله تساهيل الزمن والكريم إن راد
ومواهبه حظ.. اللي من الخلق توهب له
ومنار الوفا يبقى منارٍ على الأشهاد
وهله في جميع أحوال الأيام تتعب له
كبير وجديرٍ بالوفا صاحبه لا زاد
على الخير دايم راية العز تنصب له
فتاة نجد – شاعرة سعودية