(طواريق حرفي)

تغيب وتجيبك طواريق حرفي
في صفحة بيضاء تمليني اشجون
كل ما ذكرت اني رخصتك بظرفي
ووسدت في صدرك معانات مطعون
ما كنت في لحظة تبي غير عرفي
ويشهد علي الله ما كنت باخون
درب الهوى ما هو عن الناس منفي
لو كان سري داخل الصدر مكنون
وان غافلك بالنوم في يوم طرفي
تلقى مواجع حسرتي وسط ال.. جفون
لازلت في بالي وينطقك وروحي وشفي
لو كان قلبي من شقى البعد مغبون
لكن لي الله هو يداوي ويشفي
قلب(ن)مريض وصاحب القلب مسجون
سجن الموادع والسفر كان يعفي
وسجن العريس ونظرته يالله العون
وسجن الغصيبة عذرة اليوم يكفي
وسجن نهائي بالحمل يكسر امتون
وادري مصير الهم لا حل يقفي
لو خابت اظنونا وصابتني اظنون
وختامها دمعة وهي وسط حرفي
في صفحة بيضاء تمليني اشجون