من بادي الشعر

من بادي الشعر هذا حلم الاقلام ِ=تظما لك ارياق شعري لين ترويها
اغلى الأماني وغاية غاية أحلامي=اني افزز طيوره حول راعيها
الشعر لا فاز بك ما هو بمنضام ِ=يا شوق الابيات لا شافتْك قاريها
لو ناقد الشعر يرقب نزفه الدامي=ما ضمد اجراحه و حقق امانيها
افنى لياليه واشغل معه الاخصام ِ=يترصد اسراره ويتبع خطاويها
واليوم والشعر يرقب ذوقك السامي=كن ّ القصايد تذوّق نظرتك فيها
يا قبلة الفكر ، مصدر بوح الالهام ِ=يا واهب الشعر قيمتْه ومعانيها
لك تنحني هامته وتسير الاقدام ِ=يا اعياد ميلاده و نشوة اغانيها