مرحبا مليون

نبتدي باسم الله الرب الغفور
خالق المخلوق مايقطع رجاه
ذكر مولانا تفوح به الصدور
ونتزود بالصيام وبالصلاة
وبعد ذكرالله نرحب بالحضور
كل ضيف عندنا زايد غلاه
مرحبا مليون في حفل البشور
كل حربيا يرحب من وفاه
في حضور ضيوفنا زاد السرور
والتواصل والمعزة بالحياة
واعذرونا لن حصل منا قصور
الله الكامل وحنا في ذراه
حفلنا الليلة يزيد النور نور
ماغواه اللي يريده ماغواه
نوره صقر من اوكار الصقور
ياعساه النور دايم ياعساه
عشت ياسلطان ياوافي الشبور
الله يحفظك وتاخذ ماتباه
انت ذخر الشيخ بالطيب مخبور
لابدا بالراي ماتشقر عصاه
من مشايخ حرب في مرالعصور
مدحهم بالشعر مانلحق مداه
وزن كلمة حربي مابين السطور
اثقل من طويق وجبال السراة
والوفا والطيب ماهو بمحصور
القبايل كلهم فيهم دهاة
يشهد الله مانقول القول زور
ولانحط العلم في كم العباة
الصدق منجاة في كل الامور
واعنا من جاب غيره واعناه
ثم صلو عد دورات الشهور
للحبيب المصطفى ازكى صلاة