أهني العيد بحضورك وأنا أهنيك بحضوره

صباحك عيد وأيامك سعيده يا حلاة العيد
أهني العيد بحضورك.. وانا اهنيك بحضوره
عسى الله يا سعادة عمري إنه يسعدك ويعيد
عليك العيد وأيامي معك بالحب معموره
حداك الوقت عن عيني وأنا مانيب عنك بعيد
وقدم حظنا العذر القبيح وقصرت شبوره
يزيد البعد، وأسباب البعاد اللي تعرف تزيد
ولكن ما يزال الحب ينعم بأروع عصوره
مشاعر والمشاعر لو يقيدها الحيا بالقيد
تسلل مع نظر عين المحب وتفضح شعوره
وأنا ادري بالشعور اللي تكنّه يا عنود الصيد
مشاعرك العظيمه بالولاء والحب مخبوره
ياسر العتيبي