باكر: إذا نعشي رحل للمقابر!‎

شيطان نفسي يمتحنّي واحاذر=اخاف لا طاوعت نفسي من النار
يارب مالي قدرةٍ ع المخاسر=الذنب مجلابه مثل : جلبةالعار
اسألك يا عالم ذنوبي يا غافر=إنك تجنّبني خطا النفس بإصرار
باكر إلى نعشي رحل للمقابر=من يُونس الوحده بقبرٍ كما الغار ؟
ومافات كله انكتب ف الدفاتر=ولابقي.. إلا : حسابي مع البار
بعض البشر في طبعها ه المكابر=تحسب زمنها واقفٍ خلف الأسوار
ماتدري إن العمر اصله : مسافر=طيارته اسرع : من الطير لاطار
غرّب هواك وخل روحه تهاجر=لايهتني بلذة | ولا يهتني ب دار
واجعل طموحك كسب يوم النواظر=تشخص ل ربٍ راجيه عفو مدرار
حاول تبعّد عن شنيع المناظر=لا تتبع الغفلة ولا يخدعك ضار
وقفّ تأمل.. ثم انوي وبادر =في لحظةٍ ممكن تشيّعك الأقدار