التعليقات

لاحت بروق السماء وانهلت أمزانه=أمطار من مزنة تنشي مناشيها
الحمد والفضل للمعبود سبحانه=هو خالق النفس راحمها ومحييها
والشكر لله ملكنا شرف أوطانه=والمملكة استبشرت فأحلى لياليها
أهدي التهاني لكل الشعب واخوانه=بوصول خادم بيوت الله وحاميها
المملكة تلبس أزهى ثياب فرحانه=تقول مال الرعية كود راعيها
والناس تدعي ولي العرش من شأنه=تحفظ لنا قائد الامة وواليها
من جود أبو متعب ومن طيب إحسانه=مدت يديه الكرم أسمى معانيها
ياربي إنك لتخزي كيد عدوانه=الشرذمة الخاينة لأبسط مباديها
هذي مشاعر مواطن صدق ولهانه=من قلب صادق يعبر دون خافيها
انتم سلايل زعيمٍ عز سيسانه=عبدالعزيز الذي أسس مبانيها
وبالله يامن رجا عفوه وغفرانه=تنصر ملوك الجزيرة من معاديها
وفالخاتمة عد كل حروف قرآنه=صلوا على ناصح الأمة وهاديها
شعر: عبدالله الوحيدي