المواعيد ظلماي!

شعر-هادي الجنفاوي
انا الحزين اللي عطا للشجن ناي
وبلل بصوته ذكريات ٍ دفينه
على أمل مقفي يشوفه وهو جاي
يسأل عليه الحلم ويقول وينه
الشوف قمرا والمواعيد ظلماي
والموج عالي والأماني سفينه
ودي لو اعاهد شعوري بيمناي
ولاحس باحساس القهر والغبينه
من ناس احسبهم هلي صاروا عداي
وبشوتهم لحروف شعري رهينه
لو يقنعون الكل مانالوا رضاي
ولايواجهوني بالأمور السمينه
كاشفتهم وادري يعرفون لولاي
مرت أساميهم،سلام وسكينه
محد ٍ عرفهم بين صيده ورماي
ومن مات منهم مات مع ذاكرينه
تعبت يامد السراب اقصر خطاي
ولاتلتقي بي والمسافه حزينه
لوهي على كيفي فلا اعيد ذكراي
ولا اذكر الماضي ولا اذكر سنينه