يارب انا عبدك بقدرتك مامور في كل اموري ضيقتي وبتهاجي شاعر ولي فالشعر منهج ودستور احسب لمدخالي واحسب لخراجي وليا لقيت اللي لهم فالعرب دور ولعت من زندي فتيلة سراجي شاعر وشعري مايبرك على الزور مثل الجمل لان واجهه الزمل هاجي ماني بمتكبر ولاني بمغرور اسمع واناقش واقبل الاحتجاجي واشاور اهل المعرفه واسمع الشور اليا تصداله طليق الحجاجي ثوبي على قدي مفصل ومزرور لاني بمتشرد ولاني بلاجي هاض القريحه شاعرن سطر سطور دقت بقلبي مثل دق البواجي شاعر ولا في شعره الواضح قصور لكن ماهو مثل شعر العواجي يسند على شيخن له الطيب مذخور عساه من شر الصواديف ناجي ابن عطاالله صقر من ماكر صقور يمدح وفيه المدح ماهو مفاجي راعي شداد ومنزله مع هل الكور شيخ القبيله سيفها والسياجي قلت الصحيح ولاعرف الف وادور اعرف قراح الماء واعرف الهماجي رفيقي الوافي معي معه مابور لو هرجوني فيه قوم المناجي ولاني على طرد المقفين مجبور اكف رجلي عن غثا الادراجي
