( العاصفة هبت )

الشاعر العقيد م/ محمد بن فراج بن سامره الشهري
العاصفة هبّت على كل طغيان
والحزم من سلمان قاد المسيرة
والمؤتمر ستة وعشرين برهان
ان العرب مع بعض في كل ديرة
ما همنا الحوثي ولا جيش طهران
واليوم يوم الحزم ما هو بغيره
همة زعيم له في الفكر عرفان
عدى الدروب الكايدة والعسيرة
وحد صفوف العُرب في كل ميدان
ضد الظروف الجارية والخطيرة
اطلق صقور الجو من فوق مرّان
وانهار حزب الشر واللي يديره
هذا وفي العهد هذا كحيلان
سيف العروبة والعرب تستشيره
اوقف جنود البغي في حزب شيطان
من بعد صبر طال وابطا مسيره
كل الدول سارت على نهج سلمان
قالت معك نمشي وجارك نجيره
نردع فلول الشر يوم غدرها بان
عدّت حدود الصبر ما فيه خيره
اهل اليمن جيران واحنا معا اخوان
في الحرب ولا السلم جار وجيره
والرافضي يرجع حقير وخسران
والراي حنّا من يراه يديره
من رادنا بالطيب نوفيه عرفان
والذي نوى بالشر يلقى مصيره
والحر تكفيه الاشارات برهان
حنا على درب المعالي نشيره
واللي نوى يمشي مع طيف غربان
يستاهل الخيبات في كل سيره
هذا السعودي طاف من فوق دخان
بالعابرات الظاربة في الظهيرة
ما همنا من قال فينا ومن شان
ما دام فينا من يشل الذخيرة
حنا عرب ما حن بفرس وطرشان
نحمي الحدود الفايتة والجزيرة
[email protected]