عاش سلمان

دام الملك سلمان والشعب سلمان
والياطلبنا ارواحنا فدوةٍ له
مجنون يالي تصنع الشر غلطان
سيفه على نفسه عدوه يسله
هذا الوطن مصيون عن كيد عدوان
الشرع نهجه والفخر في سجله
دستورنا القران في كل الاحيان
ومرجع لنا عن كل تيهه وزله
وسنة نبي الله منهج ونيشان
نموت مانرضى عليها المذله
وخفاقنا الاخضر خذل كل شيطان
وقلوبنا متعلقه فيه والله
في قلب واحد كلنا دون نقصان
ونعلن بها عبر الفضا والمجله
ارفع لنا الخفاق الاخضر على شان
يحمل لنا النور المسطر وكله
كله فخر يبقى ذخر كل الازمان
ويردد الله اكبر وفي محله
ياموطني لايابعد كل الاوطان
قد عشت فخرالمسلمين وذراً له
عاش الملك عاش الملك عاش سلمان
ذخرالعلم فخر الوطن والاهله
الي لها بروس المنارات مسكان
في كل بيتٍ والحرم قبلةٍ له
ياسيدي سلمان ياعالي الشان
اضرب بنا راس الطويل ونهله
حنا لكم رهن الاشاره الياحان
يوم يدور كل عودٍ لظله
الشهب حنا لاطلع راس شيطان
عدونا بالنار قلبه نمله
حناسيوفك ترفع بكل ميدان
عدوكم يلقى الهوان ونذله
ارواحنا دون الوطن مالها اثمان
واليا زهمتوا وادع الخل خله
حنا لكم درعٍ حصينٍ ولاهان
وانتم لنا مثل المزون المظله
قلته وانا من لابة العز ويلان
بالعز متقهوين فنجال دله
الخمعلي سطر ثقيلات الاوزان
نبذه عن الي في ضميره يشله
وختامها صلوا على نسل عدنان
الي تبعنا دربه ولانمله