كلمات من القلب

هناء عصام

هى الناس بتكتشف القنبلة و تبلغ عنها ازاى انا عايزة افهم ؟؟!! ما مصر كلها اكياس زبالة وعلب و صفايح و قزاز و اجسام غريبة مرمية ف كل حته !! لا حقيقى بتعرفوها ازاى !؟ حاسه سادسة يعنى و لا قلب الام ولا ايه مش فاهمه !!! ولا يكونش اللى بيعملها هو اللى بيبلغ عنها عشان البوليس ييجى و الصحافة تصور و الناس تتلم و يقوم هوووب مفجرها فيهم !!! طب والله لا استبعد ابدا اصل دول تحس الشيطان بطل يتعلم منهم و بقى يقول لنفسه ( يالهوووى ايه الشر ده.. انا شيطان اه بس مش للدرجادى ) !!
***
بمناسبة انه اول خميس ف الشهر كان نفسي اتشيك و اعمل شينيوه وانزل اركب الاوتوموبيل واروح احضر حفلة لام كلثوم واقعد اهوي من الحر ! مش تقولى داعش و اخوان و قنابل و نيلة على دماغهم !! هيييييه دنيااااا
يالا مفيش نصيب
***
قنبلة قدام دار القضاء العالى ف عز الضهر ؟!؟!؟!؟! ف عز الزحمة ؟؟؟؟ انت مستهدف مين يا غبى !؟!؟؟!؟!؟ مستهدف طفل خارج م المدرسة ؟؟ مستهدف موظف راجع من شغله ؟؟ مستهدف ست بشنطة خضار ؟؟ مستهدف سايس على باب الله ؟؟ مستهدف ميييييييييييين ؟؟؟؟؟؟؟؟؟؟؟؟؟ طب و هتعرف تخلص علينا كلنا ؟ اصل كلام ف سرك …مابنخفش ولا بنتهز ولا هنبطل نروح اشغال و مدارس ! و يرجعوا يقولوا الحل ف الحوار !! طب و ربى و ما اعبد يا نشطاء و يا اخوان و يا نخبة لو خيرونى بينكو و بين موتنا كلنا لاختار موتنا كلناااا …وبرضه غصب عن عين اللى سلّحوكوا واللى قبّضوكوا و اللى جابوا ابوكوا …….. هتحيا مصر !
***
إعلامية بالتلفزيون المصري