اوعى يا كابتن تكون فاكر ان احنا شيلنا مرسى عشان النور كان بيقطع ف عهده ... وجى بقى تقارن دلوقتى و تعمل فكيك !! لااااا استهيفك و استغباك و ازعل منك اوى !! وحياتك البنزين و النور دول كانوا تلاكيك كده عشان نمسك ف زمارة رقبته... حاجة كده زى ( انت كمان بتقولى مساء الخير )!! الموضوع كان مور كومبليكاتد فوق ما يتخيله تفكيرك الضحل يا بتاع ( الله امال ليه شيلتو مرسى ... ما النور لسه بيقطع اهو ) !! اما تكبر و تعقل و تفهم و تستوعب،،،،ابقى تعالى وانا اقولك ليه *** الفرجة على ناشونال جيوجرافيك او انيمال بلانت او ديسكفرى تشانلز او القنوات اللى زى دى هتخليك تتفكر ف خلق ربنا و تسرح فى ملكوته و تتأمل فى قدرته و تؤمن بيه اكتر الف مرة من اجدعها درس دين او شيخ جليل او واعظ عظيم !! حيث الكون يتحدث عن خالقه ...بدون وسيط ......بدون كلام !! سبحان الله !! فرجوها لاولادكم و سيبوهم مع خالقهم للحظات !! *** الاستاذ الداكتوور حسن نافعة صاحب المقالات و الصولات و الجولات واللى ياما استضفناه ع الفضائيات و اللى قال بالنص ف مقال له ( إما أن تحكم الجماعة شعب مصر على طريقتها أو تقتله ) طالع البيه من يومين ع الجزيرة عمال يبرر جرايمهم و ارهابهم للشعب دلوقتى و يقول يعنى هيعملوا ايه ما العنف لا يولد الا العنف و المصالحة هى الحل !!!!!!!!!!!! عارف يابو على الفرق بين الارهابى و اللى بيبرر الارهاب عاملين زى ايه ؟؟ زى بالظبط واحد بيغتصب واحدة و التانى جى يقول ( طب يعنى هيعمل ايه ما هي اللى لابسه قصير ) .....كلاكما نجس !!! اعلامية بالتلفزيون المصري
