انا اللي مهما قولتوا عني

مهما تتمد الايادي
مهما يحصل فى بلادي
مهما كسروا فيا نفسي
مهما وجعوا ليا قلبي
رافعة راسي
صاينة عرضي
حافظة نفسي
ورافعة راسي
مش بخاف
وان حوطونى بالالاف
و ان قطعونى بالعنين
وان جردونى بالايدين
و ان هددونى بالسلاح
انا صاحبة الصون والعفاف
كله شايف
كله عارف
كله
ساكت !!
والاجابة
اصل ما باليد حيلة
مش غريبة ؟؟!!
ده انت ستري
ده انت همك هو همي
ده انت لحمك هو لحمي
داحنا عيلة
مش غريبة ؟؟!!
بكره تعرف انه غالي
اغلى من كل المعاني
بكره تعرف الشرف ويا الفضيلة
انا اللى كل حته فيا
ملك ليا
مهما كانت الضربة قوية
اللى واجع
ضربة من اهلي و ناسي
بس مهما قلتوا فيا
قلتوا عنى او عليا
انا اللى عزة نفسي حراسي
لا مش تكية
ومش ضحية
صاينة نفسي
حافظة عرضي
ورافعة راسي
اعلامية بالتلفزيون المصري