غزَّة

والله مدري وش اكتب ياثرى غزه=محتار قولي عن اصرارك ومديني
عن قوعزة شموخ(ن)عرضه منزه=ماهو مثل صمت مليار(ن)يبكيني
صرخت بحروف شعر(ن)رمحه اغزه=بصم آذاني ولابه شخص يوحيني
يعرضون جرحك على التلفاز ويخزه=مليار مسلم وأنا لوهي بكت عيني
مالي جدى الا الدعاء والخاطريحزه=تألمك وقت عجزن يقصر يديني
لكن نصرك من الخلاق له حزه=والله يقبل دعاء (يمام) المصليني
يوم اليهودي لبد كنه صدغ وزه=بعد سمع منذره ثنا الكراعيني
وبرك عقب عنفوانه ذل ماعزه=قوة سلاحه وتشجيع المواليني
شف يالحماسي صاروخك من صرخ هزه=بمجرد الصوت يلبد عقرب الطيني
واللي ورى الحشد نعرف كذب من دزه=لوهو يطبطب من كبار الثعابيني
ولوفيه من معتصم شفنا لهم فزه=والحر يفرد على النخوة جناحيني