( تأخرت مرة )

( تأخرة مرة )نص قديم جداً لكنه لم ينشر للشاعر المبدع ابراهيم السمحان خص به قراء ( ملامح صبح ) ومع شكرنا لابا طارق على حرصه وتواصله معنا، ندعوكم لمشاركتنا قراءته حيث يقول :
ما جيت في وقتك تأخرت مرة =ناديتك سنين طويلات ماجيت
جلست لك في كل درب تمره =ويوم عزفت نفسي عن العشق مريت
خل الشراع ولا تحاول تفره =ماعاد لي بمصارع الموج , مليت
قضيت عمري بانتظار المسره=مشيت بالدرب الوعر ما توانيت
لين انكسر في داخل القلب جره =وادمت شظاياها حلومي وقفيت
قم لبس الفتنة قميصك وزره =مابيك تجرحني بعد ما تعافيت