أبكاني الجرح

هالصمت ماعاد له تفسير=أبكاني الجرح وأدماني!!
لي عام عايش على التفكير=لي عام والشعر يقراني!!
أحيان أقول الزمان بخير=لو الليالي تحداني!!
اللّي بغيته عجز لايصير=وعجزت لاأفسّر أحزاني!!
أصدّ عن سكة التعبير=وأتعبني الصبر وأشقاني!!
واللّي يقط الحجر بالبير=له يوم يظمأ ويلقاني!!
تقول لي (طرّ)..كيف آطير=وأنت الذي قص جنحاني!!
ياللّي عطيت الوفا للغير=وأشعلت تنّور حرماني..
أمّا محبه بلا تقصير=وألاّ تخيرت نسياني!!
تشوف..كيف الغريب يصير=نام الضحيه..صحى جاني!!