صيرفيات

هيا يابوي سمعني - صوتك كان قبل موتك يهلل
تملا البيت بكلام تنادي هيا يا أولادي وكلنا نقبل
ونسمع سوا مدافع رمضان في الهوا تجلجل
ونقبل أياديك الكل يجيك يهنيك رمضان ويا مسهل
وأتريك الحاره كلنا والماره واقفين والكل فرحان
نهني بعض بقدوم رمضان وصوت المنابر والأذان
وأنوار الأسواق والكل مشتاق وفول باريان
والراس المندي والكبده والهريسة ليلة رمضان
ودا يوزع مقاضيه مابينو والجار ويشيل ويعطيه
الجيران أكثر من الاخوان دا مع جاره بحب يرضيه
في اليوم الاول الكل يتجول بصحون طبيخ تشتهيه
من مالذ وطاب مائدة صحون من الجيران زمان نبكيه
سبحان مقلب الاحوال معاد أحد على البال
متاعب وهموم الدنيا ماتركت ثانية ولو للسؤال
الجار وسنين بجواره لايوم زاره ولاسلام قال
الكل في حاله مع متاعبه انشغاله نسوان ورجال
أيام ورمضان معانا الكل في دورانه ناسي ايه اشتريت
الست في البيت مع المسلسلات وانحرق الزيت
وأخونا الموظف حاله مايوصف وياريت ماجيت
وسيادة المدير كأنه وزير شكواك خذها للبيت
أما التاجر وخاصة اللي أرباحه ماهي نقاصه ومايرحم
الاسعار نار تشتعل شيء ما يعقل ولاصارت كم نتكلم
اسعار وآلعة وجيوب التجار بالعة والمراقبة صم بكم
وأخونا الليل دايما حمقان على فاضي ومليان ياهو ياعم
واللي حالة طيب بس عن اهله مغيب ناسيهم بالمره
واخونا واعلا صرخه وبره بيته فرخه وجواه شره
شهر في العام عبادة وصلاة وصيام وتراويح وعمره
شهر عنوانه الرحمة لبعضنا يا أعظم أمة لاقدس فتره
اهلا بشهر رمضان شهر المواساة شهر الغفران والتسامح
شهر العفو يعانقنا يطالبنا نغسل قلوبنا بحب ونتصالح
ننسى الاسى ندفن حروج التعب واحزان الآم البارح
نقول أهلا بشهر الرحمة والقرآن من بليلة القدر رابح
الشبعان يفتكر اخوه الجيعان الليل نفسه عفيفة
وفي الاسواق نهدا نشتري برواق بدون معارك مخفيفة
ابو ايمان الطلاق بلا حس او اخلاق حياته تسوى تعريف
يا عم سعيد انكب الدقيق فين الاخ الصديق الكل بعيد
الدنيا هيا بس القلوب شويه امسيت من حديد ياشهر الرحمن
العابد سهران الكل رافع بخشوع الايد
نسأل المولى العظيم نصلي في القدس العيد
رمضان طل على الكل بأخوه وحب ما يعرف غروب
الايد والقلوب أعز محبوب والشيطان مدحور مقهور مغلوب
سؤالنا يارب تجمع حالنا وتحقق آمالنا تمح الذنوب
أبويا رمضان زمان كان حب رحمة كانت قلوب