كل يوم أراجع حسابي

كل يوم أراجع حسابي=والقى الحصيلة خساره
مدري السبب من صحابي=ولا السبب في الإداره
من يقرأ صفحة بكتابي=تستوقفه كل عباره
وين القى طِب لمصابي=والقلب زايد بناره
ضيعت عمري وشبابي=مع ناس تهوى الإثاره
وقمت اشكي من حر ما بي=وأكسر وأعيد الجباره
أعلنت غصب انسحابي=واسدلت خلفي الستاره
واقفلت على نفسي بابي=وخففت ضي الإناره
لو كانوا حسوا بغيابي=جوني ولو بس زياره
لكن ما واحد درابي=سابوني ابكي بحراره
طيبي السبب في عذابي=(خذوني بعده عياره)
ما يدروا إني محابي=تعديت حد الشطاره
(لا مرتشي) (ولا مرابي)=ولاني بسواق طاره
ولاني كما البعض هابي=معروف في كل حاره
خذت من حياتي نصابي=واللي اخذته بجداره
اسمي علا واعتلابي=كالنجم يضوي بمداره
بعدي أنا في صوابي=أفهمها لو بالإشاره
كف العذاب التوابي=وطلعت منه بمهاره
المدينة المنورة