بدأت الفلل الصينية تستحوذ على اهتمام الكثير من سكان السعودية وبالذات أصحاب الدخل المحدود منهم، انطلقت هذه الفكرة بعد سفر الكثير منهم إلى الصين بعد الانتهاء من "عظم" البناء من أجل "تشطيب" البناء بأقل تكلفة ممكنة، حيث إن السعر الصيني لمواد التشطيب يقل بما يقارب 50 في المائة عن السعر المحلي، من خلال هذه العلاقة وتوطيد معرفة المواطن بالسوق بمنتجات الصينية المخصصة لمواد البناء انطلقت فكرة أن يكون البناء كاملا مجلوبا من هناك. الشركات الصينية تؤكد للمواطنين السعوديين أن هذا النوع من البناء معمول به منذ 20 عاما في ألمانيا والصين وماليزيا وأمريكا وباكستان ولم يلحظوا عليها أي مشكلات حتى الآن، تكلفة الفيلا المكونة من دورين لا تكلف أكثر من 150 ألف ريال سعودي وبناؤها خلال أقل من شهر واحد فقط، يتم خلالها استخدام الخرسانة الجاهزة والحديد ولكن بشكل قليل جدا أو حسب عدد الأدوار، وقد أفادت الشركة السعودية التي تتولى تسويق هذه المباني في السعودية بأنها مصنوعة من ألواح خشبية ضد الرطوبة والحرارة وتقلل ما نسبتة 60 في المائة من فاتورة الكهرباء والجدران من الخارج تلبس بالسراميك الذي يشبه حجر الرياض،وتقاوم الحرائق لمدة سبع ساعات كاملة. معقوله خلال شهر و150 الف ريال ياليت بس وشي الشركه اللي تمسك البيت.. لوسمحت إسم الشركه وعنوانها او عنوان وكيلها بالسعوديه ولك الشكر الجزيل 0 أجمل حل سمعته لمشكلات بناء القصور عندنا ولو تم توفيره سأكون أول من يبني في بلدتي ياليت يتم تعميم هذه الفكرة فتخيلوا الآن تكلفة الدور من غير سعر الأرض لا يقل عن 400 ألف ريال تكفون اللي يعرف عنوانهم او رقمهم يدلني عليه ذبحني الايجار وربي وراحت رواتبنا لاصحاب العقار... رائعه جدااا ومناسبة لاصحاب الدخل المحدود الله يكثر من ها الاختراعات ويخلي لنا الصين ...............من جد حبيتهم وين الارقام او بس اعلان انا اول واحد شئ حلو وكلفة تعتبر جيدة مع هذا الغلاء الجنوني... بودي كاتب الخبر أو احد الاخوان يوضح لنا كيفية الوصول الى من ينشئ لنا هذا المنزل وهل بالامكان ان تبنئ الشركة في اي موقع في المملكة . وبهذه المناسبة أبارك لعاجل ترتيبها المتقدم والى الامام لو تعلمون كم غرف تحت وكم غرف فوق وكيف نظامها بتفصيل شكلها ممتازة ممكن كتابت عنوان الشركة بالرياض وارقام التلفونات والفاكسات لأن ماعندي اثر من 150 الف ريال واريد ان اتزوج اللي يسأل عن الشركة انا وصلني عبر الايميل صور للمباني ورقم لشركة واضعه لكم والعهدة على من ارسل لي ذلك ... تمنياتي لكم بسكن مميز وادعو لي ولاهلي بالشفاء والعافية عنوان الشركة : جدة شارع الامير ماجد \" السبعين\" حسب ما قيل لي انها مقابل الرئاسة العامة لتعليم البنات , بالقرب من مطعم البيك اسم الشركة : تالة الدولية رقم تلفونها : 6392502/02 مصاصين الماء سيضيفون إلى سعرها بعد الجمركة350000وتصبح قيمتها500000 خلك في عشك ولا احد ينشك عنوان الشركة : جدة شارع الامير ماجد \" السبعين\" حسب ما قيل لي انها مقابل الرئاسة العامة لتعليم البنات , بالقرب من مطعم البيك اسم الشركة : تالة الدولية رقم تلفونها : 6392502/02 ولمشاهدة طرقة البناء ادخل هذا الرابط وشاهد مقطع الفيديو http://www.innovida.com/default.asp بالتوفيق للجميع ابيكم بس تدعولي ( ابو مشاري ) والله فكره ممتازه . . . . وجيده جدا . لكن هل سيكون بجودة العالية لدينا ؟ ؟ ولا إذا (صبخ ) الباب حتى البزران إنفتحت الدريشه السلام عليكم ياشباب تأكدوا هل هي مثل شركات النصب الي تعودناها في هالبلد وهل تتوقعون نحن السعوديين ان يقنعنا هذا البيت فنحن سبب التكلفه ويمكن خفظ تكلفة البنيان التقليدي بتسبة 30 بالمئه ولاتفرحوا كثير فالسعوديين كفيلين برفع سعر مثل هذه النموذ بحسبه بسيطع السور ملاحق غرفة الشغالة خزان علوي وسفلي تشطيب دهان اوحجر زيادة مجلس نساء زيادة مساحة البنيات حمام اوحمامين اعزكم الله غريفه للضيوف 150000 200000 = 300000 الف ريال اهم شي لاتنسون الشيك الحديدي ما اضفناه على الحسبه نحن من نرفع سعر بناء افلل بسوء التخطيط والدراسه وكم الميلغ المتوفر وكم التكلفه او نقلد الغير بدون ان نضع بالحسبان فرق الامكانات عموما شكرا مرة اخرى ونتمنى ان يكون هناك فروع لهذه الشركة بجميع مدن المملكة فالمواطنون اهلكهم تجار العقار بغلا تاجير الفلل بأسعار خيالية . وكذلك نتمنى من وزارة التجارة والهيئة العامة للسياحة التي صارت الان هي الجهة المختصة ان لا تفرض رسوم على الشركة مما وبالتالي ارتفاع السعر للضعف .. (وكنك يابو زيد ماغزيت) دمتم بفلل.. اي شي يدخل السعوديه لازم يدبل سعره مرتين على الاقل وراح تشوفون عند توقيع العقد وشلون يختلف كلامهم . المشكله عندنا ماهي بالسعر بس المشكله في المصداقيه . نشكر ((عاجل)) علي الخبر الجديد التي تطرحه في جريدة لكن هذا النوع من البيوت لدينا لن تنجح لان ربعنا اذا ما شاف في العمود الواحد نصف طن حديد ما ارتح : والجوء عندنا غير الدول الاخر ولك فاق احترامي من جد هذه الصحيفة متألقة في نقل الأخبار السارة تحياتي لصحيفة عاجل والبمناسبة نهنئك على هذا التميز وستقطاب أكبر عدد من القراء وإلى الأمام ياخوفي لو انها مثل شركة بن نحيت اللي كانت في القصيم يوم طارت الطيور بارزاقها يا الربع الضاهر انكم كلكم تعرفون تسوقون ..............!!!!! صندقة ومن الصين اطيعكم صراحه فكره اكثر من رائعه وخصوصا لذوي الدخل المحدود بدلا من الاجارات والبهدله اتمن انها تنفع لناس هذا اذا مارتفعت الاسعار الى 300 الف بعد الاقبال المتزايد عليها يا عاجل ليتك تتأكدين من الخبر زين ومن ثم تعملين دراسه للمشروع من جميع جوانبه وتبيين سلبياته وإيجابياته وكذلك التكلفة الحقيقية لأني اتصلت عليهم قالو تكلف الفلة دورين 200000 ألف ريال وليس 150000 ألف كما هو معلن ولست أدري ما السبب وقالو عندهم نوعين من البنيان ألماني وصيني والألماني من 500000 إلى 600000 ألف ريال ونرجو من إخواننا السعودين خاصة ألا يندفعو وراء هذا المشروع حتى لا تصل أسعاره إلى أرقام خيالية وأرجو أن ننتبه من النصابين والحرامية وخاصة الشريطية وأهل الدعاية الكاذبة يا الغالي هذا الكلام طبق ونتهينا والا الاصل في المبلغ 20000 فقط أما الباقي مصاريف جمركية ونقل وما الى ذالك من فك* وتركيب وغيره؟؟ *فك : مستعملة من قبل الفقراء في الصين ودول شرق آسيا. ما هيب هذي فكرة الشيخ فهد بن حجاب الحربي قبل كم سنة ؟؟ ماشاء الله جميل ورائع بس صغير الفيلا ..... ماعندكم سالفة وماتدرون ان بيت الشعر ب11 الف فقط ومدة البناء نصف ساعة . خلو الصينيين يصدون الله يقويهم ويبعد عنها اعين التجار المستغلين .... والله المبلغ مائه وخمسون الف ريال مبلغ ندفعه فى اجارات لمده عشره سنوات وصاحب الشقه يمكن يطردك فى اى وقت ...ولو بنيت بيت شعبى يمكن يكلفك نفس المبلغ ....فيارب ينفع بالصينيين وتعمم الفكره على المدن الاخرى....ويتولى احد البنوك التقسيط للمبلغ ....وفى النهايه تنحل مشكله السكن للكثير من الناس ويستطيعوا توزيع دخلهم على امور اخرى تخدم اسرهم وابنائهم ومجتمعهم....ويارب ادعوا معايه ان تجد الفكره قبول لدي اصحاب القرار ويبعد عن التجربه اعين المستغلين لمعاناه الناس عنوان الشركة كما جاني بالبريد هو : جدة شارع الامير ماجد \" السبعين\" حسب ما قيل لي انها مقابل الرئاسة العامة لتعليم البنات , بالقرب من مطعم البيك اسم الشركة : تالة الدولية رقم تلفونها : 6392502/02 ولا تنسوننا منه صالح دعائكم فكونا من البلدية وحنا بخير... زي ما نفعت للنا س حوال العالم اكيد بتنفع لنا يالسعوديين ، ولا البعض خايف لأن اولاده طاخ طيخ بالأبواب ... على اية حال اذا كانت زينة ومناسبة وتفك ازمة فهذه معناها أن البلدية ستعترض لأن الموضوع فيه تخفيف على المواطنين....وهذا ملا ترضاه البلدية ...اي بلدية .... لكن ننتظرى حتى تصل تلك النماذج او المواد الى المملكة من قبل التجار او الشركة وسوف ترون ان السعر وقد وصل من 150 حتى 250 او 300 للفله لو يعطس واحد من ضيوفك يوم النزالة كان تتصافق عليكم الجدران امحق************* ... مالت عليك ... الي صاار هذا مصيررر نا في ارض تفوق 2 مليون كم مربع ... والامرااء يتساابقون لتشبيك الارااضي ... عموما بس يبنى 4 بيوت ترتفع قيمتها لمليون ليش الدولة ماتتعاقد مع هذه الشركات وتعمر لنا مساكن ونقوم بتسديد قيمة المنزل لها بدل هالقروض اللي ماتتعمر منزل ولا منها فايدة مافي مشكلة بس فين الأض طيب الأرض موجودة المشكلة في 150000 فينها الارض موجودة وال150000 موجودة حلو وبدينا في البناء ووقعنا العقد مع الشركة بس مين يظمن لي البلدية توافق على البناء ههههههههههههههههه اذكر انه حجاب بن نحيت الحربي هو اللي يبي يجيب للناس بيوت صينيه واخذ فلوس من الناس بس ماادري وش صار عليه سمعت ان الدوله نعوا الشيئ هذا عسى الله يجيبهن ويقعدون به التجار الله يفقرهم ان شاء الله متنا من الايجار المشكله وين 150 ألف ويحله حلال لكن ربك موجود مايترك عبده باتسر تسمع خبر المملكه العربيه السعوديه تتبرع ل فلسطين مليار ريال ولبنان مليار ريال والمغرب 25 مليار ؟ وحنا نتمى فقط ؟ لكن يارجال ماباقي بالدنيا كثر اللي مضى ولهم بالدنيا وأن شاءالله لنا بالآخره هههههههههههههههههههههههههههههههههههههههههههههههههه يحسبون الصينيين ان اجواء السعوديه زيهم مايدرون ان جونا مايعيش فيه الا حنا والنخل والضبااان يعني اكتب وصيتك قبل تسكن هالنوع من الفلل ههههههههههههههههههههههههههههههههههههههههههههههههههه والله اتوقع انها لن تنجح لدينا في السعودية اذا كانت كالبيوت التي رايناها في الدول التي يقولون لانها تقريبا خشب اوما شابه ذلك لو تسقط ملعقه فوق وانت تحت فزيت ,يعني ادنى شي تسمعه اي حركه او اي شخص يمشي في البيت تسمعه حن في السعودية عوايلنا كبيره وهذي لاتناسب وضعنا وانا هنا لست ضد الفكره ولكن ابين سلبياتها وهناك الكثير والله اعلم هذه فكرة الشيخ / فهد بن حجاب الحربي والذي يسكن محافظة رياض الخبراء قبل سنتين او ثلاث والتكلفة كانت لاتتجاوز اكثر من خمسين الف ريال 0واستلم عرابين من الناس لبدء المشروع 0 ولكن حسب علمي وضعت العراقيل وفشل المشروع 0 وطال الرجل من الكلام السي ما الله به عليم 0 وهو من الناس الثقات ورجل علم وفقه 0 ولكن مانقول الا الله المستعان وهو اعلم بالسرائر0 هاذي بيت ولا عشه والله من قل ما اقتنعوا الشيبان هع هع هع لازم صبه وحديد وميدة وعمدان ووووووووووووووو ولا ما عمرت لكن هاذي احسن من الاجار لاتفرحوووووووون والله يالبلديه ......... ان يقعدون لكم قعده ماراحت ولاجت مصاصين الدماء راعي الملاح بن حجاب الي جمع فلوس الناس في رياض الخبراء نصب عليهم وسرقهم واخر شي زبط وضع عياله يكفي ( راعي السياره روز رايز ) واشوفك تمدحه شكله ( من الجماعه ) بس فيه مشكلة بالبيت من خلال الصور .... الحمام (أعزكم الله) أفرنجي.. واحد يقتله فاهم ماش انا شفت مقطع الفديو لطريقة البناء لكن عجزت أقتنع ما أقتنع الين أشوف البمب يصب وأشوف الحديد منسدح بالشارع وأشوف المقاول جايب الخشب بالددسن لكن أبيلي حبتين منهن مع العماره نلقاهن كلها مسمار في الجدار ويطيح البيت شوفوا مقطع الفيديو السقف يشيله شخصين !!!!(؟) يبدو ان هذه المباني لاتناسب الاجواء الحاره والجافه وتتناسب مع أجواء الرطوبه والبارده تحياتي هذي كانت موجودة في السعودية وقضت عليها البلدية قبل أن تبدأ وفعلا سعرها ما يتعدا 150 الف في ايام الرخص لكن سوف تمنع عندنا لن هناك من سيتضرر من الناس الكبيره في الدنيا هذي فكرة للشيخ فهد حجاب الحربي من رياض الخبراء ولاكن وضعت امامه العراقيل ولم ينجح مشروعه يابن الحلال لو الملاعق كله نسمعه وخفيف البيت مهنا حديد . نبيه ......................نبيه ازين من الإيجار والتشحطط. إن كان طاح البيت المستشفى قريب. ولا المقابر مالية البلد . تكفون وينهم والله ذبحنا الايجار السلام عليكم ورحمة الله وبركاته مع احتراني ل عاجل ( وصاحب المقال ) وكذلك الذين قامو بكتابة التعليقات للعلم لايوجد اي عنوان للموقع داخل السعودية ، وكذلك الهاتف الموجدود لايرد ويعطي مشغول دائما في جميع الأوقات بمعني اني اتصلت عليهم الفجر وبعد صلاة الفجر والضحى والظهر والعصر ودائما مشغول ( وجربوا الأن ). وايضا في موقعهم لايوجد اي اثر لمكتب لهم داخل السعودية فالحذر الحذر من النصب والنصابين.................................. معقوله يا ولد يا اهل البيت صدق والله فله نصوووم ونصووووووم ونفطر على بصل ..لا والله ابي بيت كبير ومسنع مابي صندقه من هبة هوا اااتطيرالله يعينا على الصبر ........ وبناؤها في اقل من شهر //الخرسانه الجاهزه والحديد //ولكن بشكل قليل جدآ // مصنوعه من الواح خشبيه //السؤال هنا هل عليها ضمان (؟) أسمعوني ياشباب : أذا البلديه تلكلكت ومنعتها ووضعت العراقيل أمامها فهذا يعني أنها أمنه وزينة واقتصادية وتخدم الناس .. وأذا البلدية سمحت بها : هذي معناها أهربوا منها كهروبكم من الأسد... كم قيمة الارض قال فلل جاهزة قال يا زين خيمة ٍ في البر اسم الشركة : تالة الدوليةرقم تلفونها : 6392502/02 من تراااااااااااااااااااااااااااااااااااخص الحمه ما شرب مرق يالربع اعتقد النصاب الشيخ اللص ...... راعي رياض الخبراءبالقصيم هو صاحب النصب والاحتيال الاول فحقوق النصب بهالطريقة محفوظه له فلا يجوز لكم تاخذونه دون اذنه ، نهب فلوسنا بعد المواعيد والكلام المعسول اللي سمعناه منه ومن عياله ، حتى انه عمر بفلوسنا له فله كنموذج وقال هذي ماتعدى ثمانين الف ، واستغل شهرته الدينيه وتوهقنا به ، ودفعنا فلوسنا والى هالحين ما ردهن علينا رغم اننا طالبناه اكثر من مرة لكن مايضيع شيء نلقاهن يوم لاينفع مال ولا بنون يوم القيامة ان شاء الله ( وانا من ناحيتي اقول الله لايحلله ولا يبيحه )حتى يرجع فلوسنا 0 ويقال والعهدة على الراوي انه منعته امارة المنطقة والبلديه من تنفيذ المشروع لانه يمكن يحل ازمة السكن عندنا وحنا لازم نعيش بازمات ولانقدر نعيش الا بهن حتى كل مسؤول يسوي اللي يبي بنا ( وانا شخصيا لا اعلم شيئا لكن ابي فلوسي ترجع ( ليش الناس تصدق كل شئ بسرعه هذه البيوت عباره عن الواح من الجبس مثبته ومسامير لاهي خرسانه ولا شئ وسعر 150 الف كثير عليها زد على ذلك ان الارض على الزبون يعني لاتفرحو اصلا الخبر ناقص وفيه فيديو يوضح العمال وهم قاعدين يربطو الالواح بالمسامير يعني الجدر لو جاته ضربه قويه طاح انتبهو ياناس ماتبتو من مساهمات العقار الوهميه انشري ياعاجل للمصداقيه ماقول الله ييسر علي المسلمين ولله الوظع مزري ياجماعه الي متي الواحد يبي يسكن حتي الايجارات ما تقدر تستأجر ولله الواحد يضيع عمره وهو يفكر بالسكن ما اقول الله يسر علي المسلمين الشيخ / فهد حجاب الشدادي الحربي لم ينصب على احد بس منع من تنفيذ المشروع بالنسبة للمبالغ اللتي لم تسلم إلى اصحابها سترجع لاصحابها والشيخ بريئ من الاحتيال والنصب !!!!!!! لكل من سب الشيخ ماذا تقول له يوم القيامه إذا حاجك في كلامك !!!!!!! ولم تعلم فعلاً سبب تأخير إعادة مبلغك بالنسبة لحجاب بن نحيت ليس له اي علاقة بالموضوع
