قصيدة “جف الغرام” للشاعرة نورة العنزي

شيصير لو نفترق ،، وتغيب عن عيني
أبحزن ايام وانسى كل مايجري !
°°
واهل دمعي ،، ونار البعد تكويني
واعيش ذكرى حزينه فوقها هجري
°°
ماهمّك ألي كان ،، مابينك وبيني
نسيت حبك وشوقك والسبب مدري
°°
ادعي عسى ربي إنه دايم يعيني
يوم الحنين يتزاحم كله بصدري !
°°
يارب تنزع غلاتك ،، من شراييني
ما آبي اشوف الذي متسبب بكسري
°°
ماعاد كنت الذي بالحيل ،، يعنيني
دامك رميت الغرام وعطفي وقدري
°°
وماعاد وصلك مثل ماكان يرويني
جف الغرام الذي قد كان لك بدري
°°
مابي تجيك المضره ،، لو تجافيني
رغم العتاب الذي في داخلي يجري
°°
ولا عاد حبك يأثر بالزمن ،، فيني
والجرح لو طال وقته ،، لازم ٍ يبري
°°
انا بوجه الكريم ،، أنه ما يبكيني
لو عشرتك في خيالي دايم ٍ تطري
°°
يحفظني اللي خلق حبك ،، ويحميني
هو الذي جيته بيسري وفي عسري
°°
الشاعرة : نورة العنزي