قصيدة للشاعر نايف الجراع

الشعر سحرٍ يختلج بين الانفاس
وقعّه اشد من السيوف الصقيله
****
مأكل راسٍ راسيٍ كنّه الراس
واكبر خطا غاية تبرر وسيلة
****
ينباس راس وراس يرمى وينداس
وكم عايلٍ طاح بسبايب شليله
****
والناس ماهي مثل ماكانت الناس
قل الوفا. والمرجله .. والفضيله
****
وقت الرخا عندك على كل الاجناس
متشابهه تحت العروش الضليله
****
بالشكل والا بالمظاهر والالباس
وقت الرخا وقت الليال العليله
****
الفرق يظهر وقت الارياق يباس
تظهرلك الكدش وتبين الاصيله
****
وما كل شبر لكل رجال ينقاس
وماكل شيٍ له مع الناس حيلة
****
المستحيلة مستحيلة على ناس
لكن على ناسٍ مهي مستحيلة