قصيدة للشاعر عبدالله الشمري

لاعسعس الليل واضفى ضافي سدوله
عيني صحبها السهر والنوم حاربها
***
كل المحطات حول الارض مشغوله
وانا المجرّه تسامرني كواكبها
***
غريب وانظر وجيه الناس مجهوله
اصد والناس مختلفه مشاربها
***
ديارهم موحشه بالجن مأهوله
و رقط الافاعي تطوّى في مضاربها
***
الروح في راحة الحرمان محموله
ماهو من اليوم من مبطي متاعبها
***
مالي ومال الذهب لا صرت ما انوله
ياما من الناس ما نالت مطالبها
***
عندي سوى اكسب رهن والا اخسر الجوله
اعنّف النفس بالقوه واحاسبها
***
بعض المقابر من الحيين منزوله
وقبورهم ما بعد رزّت نصايبها
***
رجال بأفعالها بالخير مجبوله
وصلت مجال الفخر من فوق واجبها
***
ورجال بحظوظها بنعوش منقوله
ياليت رد الجزا تنتف شواربها
***
عبدالله الشمري